Da batea e outros mares
A "batea virtual" onde @s bateir@s do colexio Xulio Camba iremos colgando as nosas historias

Escoita, irmao, as miñas verbas:
son sinxelas e impuras
como as vebas feridas
co coitelo dos beizos,cada día.

Vouche dicir tan só que teño
a miña mao tendida
aberta,núa e viva como o mar.

Que teño,irmao,maduro o corazón
para gardar nel as verbas túas.

Que a vida é moi fermosa
aínda que hai homes
que teñen os beizos emporcados
con verbas de falsía,
e o corazón podre polo odio,
e as maos pingando sangue,
e agachados,no fondo dos seus petos,
en vixía,
coitelos e pistolas asasinas.

¿Que importa,irmao,que morra o día
se a súa morte
abre en nós a esperanza do mencer?

Non temas.
Aínda o paxaro ten cancións
e as estrelas se alcenden cada noite.

Manuel María

Trátase dunha iniciativa educativa na que o fio condutor é o ensino en valores de non violencia e de cultura pacificadora. Propugna unha educación permanente en, e para a concordia, a tolerancia, a solidariedade,a igualdade,a xustiza, o diálogo, o respecto, os dereitos humanos...
A elección desta data(que se celebrou por 1ª vez no ano 1964)débese a que o 30 de xaneiro de 1948 foi asasinado "Mahatma"(gran alma) Gandhi, home de Paz que transmitiu esta mensaxe ao mundo:

"Amor Universal, Non-violencia e Paz. O Amor Universal é mellor que o egoísmo, a Non-violencia é mellor que a violencia e a Paz é mellor que a guerra"

No cole estamos traballando en varias actividades:

* En Radio Batea, que é a nosa radio do patio de recreo, estamos falando sobre a paz, lendo poesías, recollendo novas positivas dos xornais e comentándoas, lendo mensaxes que nós escribimos, escoitando música...A Paz mola, mola moito!!
* O mércores no patio do Edificio Norte imos cantar unha canción de Juanes, "Nada Particular", imos ler mensaxes sobre a paz e logo colocarémolas nun gran mural. Que chuli vai quedar!! Ao mellor soltamos pombas como símbolo da Paz. Que bonitas!! Se non temos pombas lanzaremos globos cheos de esperanza e ilusión.
* Coa axuda do profesorado estamos facendo murais para os vestíbulos dos dous edificios.

Ah, esquecíaseme! Nuns días imos sacar o noso suplemento-revista BALAS PERDIDAS, monográfico da Paz e sempre fala cousas moi bonitas.>

Ben, estas son algunhas cousas que facemos pola PAZ no colexio Xulio Camba. E ese día o compañeirismo reina! COMO TEN QUE SER!!

DESEXAMOS QUE ISTO NON SEXA COUSA DUN DÍA, PORQUE TODOS OS DÍAS SON ESPECIAIS PARA NOS SENTIR E ESTAR BEN.